九龍灣一輛警車途經一段上斜天橋路段時突然「死火」，後方巴士受阻未能前行形成車龍。巴士司機及熱心乘客見狀，下車主動上前協助警員推車。(Threads)
社交平台今日(6日)流傳影片，九龍灣一輛警車途經一段上斜天橋路段時，疑機件故障突然「死火」停在路中打死火燈，後方巴士受阻未能前行形成車龍。巴士司機及熱心乘客見狀，下車主動上前協助警員推車，惟多人嘗試多次仍然未能成功推動警車，影片亦可見一名女警手叉腰。拍片者稱「最後失敗咗，但啲巴士完全走唔到」。
網民質疑冇鬆手掣
影片引發網民熱議，有人問「見到佢哋咁多個人推架車嘅時候，架車有少少回彈力，好明顯係冇鬆手掣」、「條路有斜度都仲keep到係原地，係咪未鬆手掣呀」、「無空波鬆手掣？」，亦有人留言「阻住返工咋?」、「入面咁多裝備，仲要上斜，幾難推到」、「一架EU，5個差人，加埋車上邊既裝備，幾重？」
【有片】
ADVERTISEMENT
