本地
2024-06-16 17:23:59

Ray Online|曾俊華搭UO遊日本 話靠煙花魚蛋吸引旅客「絕對唔係辦法」

分享:
曾俊華最近同屋企人去完日本旅遊,包括參觀京都嵐山公園。(曾俊華FB)

曾俊華最近同屋企人去完日本旅遊,包括參觀京都嵐山公園。(曾俊華FB)

日本一向係香港人最愛嘅旅遊目的地之一,前財政司司長曾俊華最近亦都同屋企人搭HK Express(航空公司代碼UO)去關西。佢喺社交網站提到,今次去嘅都係香港人好熟悉嘅大阪同京都,又話不論遊客區定非傳統遊客區,街上面都係人頭湧湧,周圍都水洩不通,仲話如果唔係阿女提早幾個月訂位,呢幾日都肯定冇啖好食。

曾俊華最近同屋企人去完日本旅遊。(曾俊華FB) 曾俊華最近同屋企人去完日本旅遊。(曾俊華FB) 曾俊華最近同屋企人去完日本旅遊。(曾俊華FB) 曾俊華最近同屋企人去完日本旅遊,包括參觀京都嵐山公園。(曾俊華FB) 曾俊華最近同屋企人去完日本旅遊,包括參觀大阪城。(曾俊華FB) 曾俊華最近同屋企人去完日本旅遊,仲搭咗Hello Kitty主題JR火車。(曾俊華FB)

喺日本撞到唔少在地工作港人

曾俊華話去到唔同地方,隨便舉起電話都可以影到靚相,行程亦包括參觀神社、宮廷同埋大阪心齋橋。唔知佢係唔係欣賞完當地美景有感而發,話一個地方吸唔吸引到人去,要視乎當地社會嘅大環境同氣氛、畀唔畀到市民信任、信心、安心同安全感,「淨係靠烟(煙)花,魚蛋呢啲咁樣嘅嘢,就絕對唔係辦法啦。」

adblk5

另外,曾俊華又發現喺日本原來唔止容易撞到香港遊客,仲有好多港人喺日本從事服務業,包括酒店有香港服務員、大丸百貨美食廣場都有香港職員,「我諗近年,真係有唔少香港朋友,移居咗日本闖天下。」