馬浚偉被傳出將參選新一屆立法會選舉，佢隨即否認。(資料圖片)
新一屆立法會選舉年底舉行，今日就有傳新城廣播首席營運總監馬浚偉計劃辭職參觀從政。佢回覆查詢時否認傳言，強調自己並無打算參選新一屆立法會選舉，但提到過往的確有業界朋友建議過佢參選，「我真心多謝佢哋嘅賞識！」
多謝大家賞識同錯愛
馬浚偉提到，立法會嘅工作絕對係要非常專業同全面投入先能夠應付，「我自問能力不足了」，又話喺新城電台嘅工作實在非常繁忙，未來亦有好多新計劃同項目，加上工作得非常開心。佢預告，新城電台下半年有好多新嘗試同挑戰，要同同事們一齊去衝刺。最後佢話，無論如何都多謝大家對佢嘅賞識同錯愛。
真名馬志偉嘅馬浚偉雖然表明無意加入立法會，但佢其實本身都孭住好多公職，例如擔任公民教育委員會委員、藝發局成員等，之前仲一度因為列出14個公職頭銜而引起網民熱議，當時佢仲自嘲話成為咗「職銜代言人」喎！
▼防蚊方法▼
立即更新/下載AM730手機APP 體驗升級功能
