網上熱話｜港爸媽分享家長群組千奇百趣著幼稚園校服返小學未算最癲家長1問題引全網爆笑

90後及之前的世代，讀書時學校與家長之間的交流大多依靠紙本通告，老師在學校派發後，子女帶回家讓家長簽名再交回學校。但自從科技持續發展，大家都習慣使用社交平台之後，大大小小的群組隨之出現。有港爸媽近日激情分享家長group內的千奇百趣討論內容，部分更加令一眾網民爆笑！

港爸媽分享家長群組討論問題

早前，有港媽在Threads發文問「大家有冇試過入啲家長group」，事緣她發現部分家長在群組內問的問題「好正（kam），睇到真係搲晒頭」。她本人就拋磚引玉分享了「升小一WhatsApp group」的3條有趣問題，「想請問大家開學日係着小學校服？定係幼稚園校服？」、「想請問大家開學日使唔使交幼稚園做嘅功課？」，以及「學校着黑色皮鞋，係咪對襪要襯返黑色？」。

部分問題引全網爆笑

以為發文者分享的問題已經夠晒趣，豈料一眾港爸媽紛紛留言寫出見過更多千奇百趣的討論問題，部分更引起全網爆笑！例如「中一group有人問凍係咪加件外套」、「成日有家長問聽日返幾點」、「阿女聽日生日，係咪可以唔返學」、「今日好凍，點解學校唔停課」，而最多人讚好的則是「大仔畢咗業但係話幼稚園啲飯好好食，想問學校可唔可以返黎食飯」，認真笑爆肚。

網民圍爐質疑：有啲家長真係反智

雖然大部分問題聽落好搞笑，令部分家長笑稱「入group可以當係睇下笑話，好精彩好歡樂架」，但部分就覺得group內問題反映家長質素，「想知道係咪真係有咁多低智嘅家長」，亦有人分享指「有啲人真係好正，諗起有次去Messyplay，隔離個呀媽同Bb講呢盤好污糟，我哋玩隔離果盤，到底點解佢要比錢去Messyplay呢」，從而印證發文者所言，「你會感受到原來有好多做咗人阿媽（某部份）嘅都係反智，問嘢係用口唔用腦」。