520出席活動，軒公大派心心。
御藥堂為慶祝成立20周年，特別舉行《「英」花相「御」．「軒」動全城》活動，並在520這個日子，找來張敬軒(軒公)於荃灣荃新天地，與fans及觀眾在櫻花樹下大玩遊戲，席上更抽出10幸運兒，與軒公互動及抱抱。
Fans齊叫「藥箱都變成Hins Cheung」。
之前軒公英國開完演唱會後，指爸爸急病入院，問到其父情況：「過去一星期就係settle佢哋，依家已經settle好咗，下星期開始幫佢哋搬屋。」他指張爸爸身體好返很多，但依舊唔聽話，不肯戒口和休息：「希望爸爸明白，我同媽咪都好擔心佢身體，都想佢身體健康。」
與御藥堂團隊合照。
演唱會肯定新衫新歌單
軒公稱，這個event會是演唱會前最後一個公開活動，問到新演唱會內容，他說：「因為夏天，會有新衫，都會有新歌單，都想俾啲新嘢歌迷睇。」之前他在演唱會大唱宇多田光的《First Love》大受樂迷歡迎，今次開show卻無意再唱：「唔會再唱《First Love》，因為熱潮過咗。」
搞笑展示御藥堂巴士模型。
已當家傭是屋企人
之前軒公為勞工處拍攝廣告，演出鬼馬貼地，他稱現在家中有幾位工人姐姐，最耐一個位姐姐幫了他11年，問到廣告片中間內容，是否他平時和姐姐的相處實況：「平時都有教佢哋上網買下嘢、賣下嘢，會叫佢哋幫自己買賣嘢。」軒公表示，己經當姐姐是屋企人，因此會教他們照顧人以外，其他不同範籌的事，他又稱：「最開心係見到有位以前我請嘅男司機，依家自己買車做老闆又買到樓。」
軒公賣大包，向10位幸運fans逐一送上擁抱。