最期待嘅畫面出現了！新民黨主席葉劉淑儀將會登陸國際潮流文化盛事ComplexCon，到時會舉辦粉絲見面會。參加者有機會獲得「姐姐」親筆簽名嘅絕密造型照小卡，同埋見面會後「一對一hi-bye」。
大讚是跨界別網絡人氣女神
ComplexCon驚喜宣布葉劉3月21日會登陸，並且舉辦粉絲見面會。ComplexCon喺Instagram大讚「姐姐」一直以嚟喺網上同大家頻繁互動，每逢過年過節，大家都會期待佢精緻嘅應節穿搭，令佢成為政壇中貼近年輕人嘅跨界別網絡人氣女神！
呢一次，葉劉會喺ComplexCon近距離同各位「粉絲」見面。官方形容呢次唔單止係一場對談，仲係一場網絡流行文化同實體盛事碰撞嘅歷史性時刻！
ADVERTISEMENT
請你去迪士尼樂園玩！登記攞飛！
