「C15+」聯盟召集人陳紹雄(左)「接見」林筱魯(右)
今屆最年長立法會議員、68歲嘅陳紹雄之前因為急病留喺澳洲休養，缺席多場立法會會議。佢噚日終於重返議會，獲得多位議會同事關心。
陳紹雄噚日朝早出席立法會資訊科技及廣播事務委員會會議，向政府官員了解推廣「智方便」嘅工作，同埋政府就「新行政工作電腦系統」嘅預算。同日下晝再出席環境事務委員會，亦有提問。
無透露病情
傳媒喺會後向陳紹雄送上關心，佢話唔方便透露具體病情，但復原情况唔錯。諮詢醫生之後，對方話議會工作屬於「案頭工作」，返工冇問題，佢會根據緩急先後處理工作。
陳紹雄係立法會「C15+」聯盟召集人，副召集人林筱魯喺Facebook發文，話：「眾稱『首領』的陳紹雄，今天精精神神，中氣十足地『歸隊』。得他首肯單獨『接見』，極之開心！」
ADVERTISEMENT
至抵會員價，名額有限，請火速訂位！
