陳家珮低估兒子打波實力，不慎拗柴成為傷兵（陳芷晴攝）
立法會再有傷兵，新民黨立法會議員陳家珮同仔女打羽毛球嗰陣，唔小心「拗柴」，而家行路都痛呀。
陳家珮今日喺立法會腳步緩慢，右腳腳腕痴住運動膠布。原來佢前日同仔女打波整親，佢話仔仔最近學打羽毛球，諗住佢唔會好勁啦。陳家珮冇出動羽毛球鞋，隨手就揀咗對跑鞋上場。點知真係鬆懈咗，佢話仔仔原來已經好有實力，打啲波又高又遠，令到佢要跑嚟跑去接波，就係咁樣唔小心拗到啦。
陳家珮低估兒子打波實力，不慎拗柴成為傷兵（陳芷晴攝）
慶幸有兒子照顧
陳家珮呢兩日都未去求醫，只係喺屋企簡單冰敷，打算消腫後再睇醫生。而家行動不便都有啲影響工作，陳家珮話好可惜噚日冇辦法跟立法會去北部都會區考察。可幸嘅係返到屋企有好乖嘅仔仔照顧，等佢走動少啲。
ADVERTISEMENT
送健之堂舒壓好眠足湯 x 石墨烯足浴袋
