立法會主席李慧琼率先戴上立法會領呔
立法會推出一系列紀念品，當中包括領呔。新設計今日曝光，由立法會主席李慧琼率先親身示範。
李慧琼今日主持立法會大會嗰陣戴上紅色、佈滿「立」字暗花嘅立法會領呔，再襯咗粉紅色西裝褸，非常搶眼。實政圓桌立法會議員莊豪鋒喺社交平台分享領呔係100%真絲、人手製造，售價130蚊，佢形容三隻字講晒：「真抵打！」
新款領呔有紅色同藍色，同時亦推出淺紫同粉紅色絲巾，同樣布滿「立」字暗花，售價230蚊。至於「立」字金、銀色襟章，每個90蚊。
立法會推出一系列紀念品，當中包括領呔。(莊豪鋒FB)
獲建議戴藍色呔或紫色絲巾上京
全體立法會議員今個月19號至25號上北京考察，據了解一眾議員已經獲建議到時佩戴藍色呔或者紫色絲巾。至於紅色呔同粉紅色絲巾就畀議員喺其他場合戴，特別係喜慶場合。
