鄧銘心颱風後落區
上星期颱風襲港，事後經民聯立法會議員鄧銘心喺行政長官李家超同議員嘅對談交流會上，話颱風來襲之後一眾議員嘅「打卡歪風」係此風不可長。
據了解鄧銘心喺交流會上，提到有議員落區執樹枝、打卡影相。在場一眾議員聽完都好震驚，成場靜晒，要由立法會主席李慧琼出聲打圓場。
鄧銘心今日主動向傳媒發訊息解畫，佢解釋議員係要議政、落區接觸市民，向政府反映民意，「而盡量唔好做埋人哋專業人員做的工作，例如清理颱風後樹枝之類，然後影相仲要當政績，個個跟風，就不妥了。」鄧銘心坦言自己議政水平未必高，但從來只講佢所知、經歷過嘅事情，都係真心話。
指自己是「被要求」交相
至於有其他議員批評鄧銘心嘅Facebook都充斥好多落區、開會嘅相，甚至當日打風後都有「打卡」。鄧銘心解釋之前關愛隊義工喺打風後出動被傳媒人屈穎妍批評，所以而家唔敢叫義工，就叫區議員自己嚟。佢就係其中一個「被要求」交相嘅人，反指：「如果唔係，我點講得出呢啲嘢。」
ADVERTISEMENT
【👇免費註冊新會員 送海洋公園門票👇】
