承諾請食飯卻失約吳業坤要改壞習慣

早前鄧小巧指吳業坤曾承諾請食飯，結果卻「無影」，坤哥昨出席活動時公開向對方致歉，並表明會改壞習慣。

吳業坤、陳智燊和宋熙年等，昨出席《第6屆全港運動會賽馬會全城躍動活力跑3公里賽事》，坤哥稱：「噚晚完成頒獎禮之後去慶功宴，返屋企休息一陣就起身參加賽事，雖然唔夠休息，但沿途有唔少人幫我打氣，令我冇退縮，最後完成賽事。」對於被鄧小巧點名指請吃飯沒影，坤哥表示：我會改壞習慣，會先度期至答應請吃飯。至於好友許廷鏗領獎時，未有多謝他，他直言：「我真係唔會計較，我好戥佢開心。」