眼淺的Joyce在簽唱會期間多次眼濕濕。
出爐雙料叱咤女歌手鄭欣宜(Joyce) 新碟《JOYCE TO THE WORLD》推出不足一星期已賣斷市，叫好叫座。昨晚(4日)Joyce在尖沙咀舉行「叱咤樂壇 Joy Joy Joyce Singing Party」新碟欣賞會，即場演繹碟內多首作品包括《＠princejoyce》、《最難行的路》、《But I’m Not Lonely》、《小夜燈》和《先哭為敬》，期間多次眼濕濕，幸有同公司的好友馮允謙(Jay)安慰，她乘機即場追歌債，Jay答應盡快寫歌給她。
Jay 大讚Joyce的歌好Yummy。
鄭欣宜演唱新碟內的多首歌曲。
與好友重遊舊地
Joyce帶同「叱咤樂壇流行榜頒獎典禮」「女歌手金獎」和「我最喜愛的女歌手」獎座上台，與歌迷分享喜悅，被問到 有何慶祝活動時，她透露頒獎禮翌日與好友重遊兒時成長地，「我約咗幾個好朋友返去我小時候成長嘅地方，去咗以前屋企旁邊嘅公園仔玩，同埋附近食店食嘢。以前我係素人，今次再去遇到好多人要求合照和恭喜我，然後排咗人龍，好似落區咁，好開心佢哋同我講話鍾意我，有投我票，同我打氣。」她又搞笑地重演獲女歌手獎時的一幕，高呼「You guys really like me?」，全場回應「YES」，令她再次感動，笑不攏咀。
新碟創作班底蔡德才、林寶、何秉舜、徐沛昕和何山等分享與Joyce合作的趣事
歌迷的支持，令Joyce又喊又笑。