苑瓊丹早前為香港開電視「開工大吉77」拍攝，去到「華光寺」為娛樂圈求簽，即場邀請「開運秘笈」主持蔣匡文師傅解簽，最終苑仔為香港娛樂圈求得上簽，簽文更指藝人要出國會有更好發展！苑仔就話過年未有定案，旅行之餘亦會安排登台工作，叫老公「二仔底」跟到底：「我去邊佢都要跟住我㗎啦，我哋係婦唱夫隨，我哋去泰國度假囉！(避年？)唔係，之前剛去拍旅遊節目，食過啲好嘢，過年咪比佢食餐好囉！」
苑仔笑指過年自己「大食懶」，所有家務交由家人打點：「我咪陪佢哋食團年飯，佢哋整好我先埋位食，食完就約腳打麻雀，呢個先係我一年最緊要嘅事！輸多贏少就唔好講啦，我都唔敢講我打幾大，怕人地會打劫我啊！」
ADVERTISEMENT
【👇送3M靜電空氣濾網體驗包4包👇】
