陳柏宇(Jason)、方皓玟(小明)今日出席《拉闊音樂會》記者會，宣布11月將於會展首度合作舉行音樂會，今次是他們以「我最喜愛的男、女歌手」組合演出，記者會上他們化身老師借助書本故事，跟在場Fans分享人生觀，傳達正能量訊息。稍後兩人會開會商討歌單，有計劃會合唱及互唱對方的歌，小明笑指：「對上一次合唱已經係初入行，Jason係我師弟，出道相差半年。當年一班歌手去唱K，相隔超過10年。」
問到兩人的小朋友可會到場支持，Jason表示：「囡囡Abigail月尾就一歲生日。」小明笑指，兒子Luca現時14個月大，跟11個半月大的Jason女兒年紀相若，提議安排相睇，Jason拍手附和，笑指已幫囡囡Abigail安排相睇活動：「可以約會吓，又可以一齊返學。我都都未見過小明個囝囝，佢個B係混血兒Fit晒，Mix係最正！」
ADVERTISEMENT
