張敬軒、姜濤、王麗嘉等昨日到中環出席品牌活動，吸引到逾百名粉絲圍觀，期間不時有粉絲大叫軒仔及姜濤的名字。
軒仔表示組合Mirror及姜濤的出現，令他覺得娛樂圈出現希望。他說︰「每次見到姜濤都會有種老懷安慰嘅感覺，好多年前香港藝人都有咁嘅陣勢，好開心，其實本地藝人好有號召力！」又笑指自己的粉絲嗌得不夠大聲，可能他們與自己一樣老了。
提到早前他化身「火龍果」惡搞容祖兒的MV，軒仔透露原本大會想他以「火龍果」造型出現。軒仔笑指新人會囂，而直言「火龍果」出場費貴過自己。他直言自從「火龍果」片段播出後，其他人都稱他做「火龍果」，對於創造了這個話題出來感到開心。問到可有興趣創作電影？軒仔笑問：「係咪『火龍果』大戰『降兩度』，簡稱「降火」，都好呀！爭贏會做我澳門站演唱會表演嘉賓，而家玩法唔同以前，同埋我怕悶，有時玩啲無傷大雅嘢都開心。」他又預告「火龍果」會推出《Pretty Hungry》 單曲。
