大約2個月前，BANDAI NAMCO宣布會將旗下皇牌系列《超級機械人大戰》推出手機版本，唔少fans都有喜有悲，喜嘅當然係見到《機戰》有新嘢，悲就更加唔使講，日本廠將啲大Titie出喺手機，往往會搞到啲game變成「課金」玩法，免費下載但就出好多內容引你俾錢，例如「課金」抽角色咁，而且萬試萬靈。突然間呢隻叫做《超級機械人大戰 X-Ω (スーパーロボット大戦X-Ω)》嘅手機版機戰就已經出咗，一如所料真係好多「課金」位，基本至抽角色要用錢，進階到friend list想加多幾個位都要俾錢，不過大勢所趨，又有乜辦法呀！不如睇睇佢美好一面：畫面靚、登場作品足料、系統有保留機戰元素等，雖然戰棋玩法變成即時戰略，但玩落都幾爽嘅，土下座唯一不滿係竟然冇全語音，肯定會少咗班「聲優」迷撐。