Am730
《英雄聯盟:激鬥峽谷》香港低調開放測試
2021-04-08
Am730

土下座一直有同大家跟進同分享嘅《英雄聯盟:激鬥峽谷(League of Legends:Wild Rift)》,其實已於上月尾正式開放港澳區測試,大家唔使再用VPN下載同申請帳號。不過今次開放消息係幾突然,因為就算事前知道會有大改版及開放新地區,亦一直冇好特別提及香港。iPhone用家應該唔難發現,最近遊戲喺App Store嘅曝光極高,可以話Apple幫埋手推廣咁滯。不過今次香港區低調開放測試,同上次台灣唔同,server都係分咗你去美洲區,唔算係特別為港澳呢啲繁體中文地區專用;另外經過實測,以往用VPN玩落嘅資料內容都係跟返account,轉區都毫無難度。講返隻game,遊戲已正式進行緊第二賽季,以往因為太少玩家而好難配隊嘅問題亦慢慢消失,雖然有部分LOL玩家覺得,手機版功能唔完善,操作又冇電腦咁好,不過講真,手機同電腦實在冇得比較,而的確無論遊戲節奏、裝備甚至部分角色,玩落都唔可以用返電腦版嗰套。土下座唔係第一次講,未來呢隻手機版,相信開發商Riot Games都會重點處理,天文數字級嘅手遊課金收益已經唔係秘密,特別集中於賣skin賺錢嘅LOL,喺手遊版更係精心炮製,玩過就知角色畫面絕對靚過電腦之餘,甚至每個角色嘅造型都會有動畫展示,呢樣嘢電腦版都未有呀!

Ranking
See AllAm730
See AllAm730
See AllAm730
See AllAm730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多