Am730
生意淡薄,不如賭博?
2021-02-25

在這個全球印錢,Bitcoin都升超過5萬美元的年代,只要是有價值的資產,都會升,仲會升到你唔信。是否泡沫?梗係泡沫啦,是印錢泡沫。很多做生意的朋友都話,今年投資易賺錢過做生意多多聲,上年年中求其買隻科技美股,閒閒哋一倍以上回報,唔識唔緊要,跟連登契媽都有相同效果。做生意來說,除非跟電商有關,否則好難唔大鑊,小則生意跌勉強收支平衡,重則蝕入肉。所以潮流興將企業轉型,由傳統行業轉到互聯網相關,甚至高科技,但隔行如隔山,轉到網上銷售容易,另創新天地難。 
 

以內地房產公司為例,因政策已限制了可賺錢空間,他們既追求多元化,也轉型高科技,如恒大花千億搞球隊、做糧油、乳業、影視、保險到最近的電動車,其實除了老本行地產外,其他都在蝕;萬達在幾年前轉型網絡、金融等,幾年內輸了幾百億,跌出五百強企業;碧桂園花800億搞機械人公司,蝕到上年要裁萬四人。貪高息買內房債的朋友自己睇路喇,做房地產是穩健的生意,但跨行業則風險難以控制,就算叻到Elon musk咁,Tesla都是靠監管信用(regulatory credit)先賺錢,單靠賣車根本入不敷支。


生意唔易做,實體經濟差,那泡沫何時會爆破,明知是泡沫仲追唔追等問題,乃現今網絡熱話。在這個尷尬時期,貪字永遠得個貧,別人瘋狂的時候,最緊要保持冷靜。如果有幸食到甜頭,應該逐步減磅,轉移到防守力強的資產,各人選擇不同,我會選擇無急升過,二線國家的市中心,例如菲律賓、吉隆坡等。其實好多大行報告,都顯示有資金密密吸緊此類資產,疫情過後收租有保證,上望有空間,當然,這是長期投資,要賺快錢,可買返Bitcoin。


作者為《HEA富學》作者,Finsight ED founder

www.finsight-ed.com

https://www.facebook.com/heaology.edu

Ranking
See AllAm730
See AllAm730
See AllAm730
See AllAm730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多