平時帶小朋友去麥記食開心樂園餐，除咗為食，細路仔就梗係為咗玩，有時Ray都係咁先至知細路仔呢期興乜。不過，作為家長梗係想小朋友多啲閱讀。麥當勞喺兩年前就開始同笑容甜美嘅星級媽媽林嘉欣合作，推出親子繪本，今年亦都繼續，將推出一套6本、名為《親親小團圓》的系列繪本。

昨日林嘉欣出席宣傳活動，仲聯同負責繪本插畫的小小插畫師兼藝術單位Cowrice成員凝映、創作歌手Merry Lamb Lamb，以及香港麥當勞一姐黎韋詩同台，分享創作靈感。嘉欣話，都係從女兒Kayla和Sofie嘅成長過程中發掘，例如其中一本名為《喵喵叫》嘅，就係從兩個女玩扮貓咪遊戲而嚟，所以整套繪本亦係嘉欣女兒嘅成長點滴記錄。

呢套繪本除咗有得睇，仲有得玩，嘉欣就同囡囡Kayla合作設計咗幾個有趣小遊戲。另外，佢亦同Merry Lamb Lamb合唱主題曲《蝦蝦蝦》。唔怪得整個籌備過程要1年啦！

想要呢套繪本就要留意嘞，由本周五(27日)起，連續3個星期，凡惠顧任何開心樂園餐即可獲繪本嘅其中一本，惠顧其他套餐只要加8元都可以換1本。數量有限，換完即止。