留港消費│極刁鑽雞內臟!!隱藏上環摩羅街的串燒店仟穆

近期大熱keywords：消費。  無論你選擇留港消費、北上消費或者去日本消費，總有一班網上判官會話你留港消費就是笨：「返上去食平靚正喎」、「上面服務好地方又大」、「日本嘢點解唔去日本食」、「円紙咁低平過香港好多！」喺香港食嘢彷彿有原罪咁，尤其是食日本嘢，例如突然好想食串燒，唔通即刻訂機票攞大假book酒店咩？好彩最近俾我搵到間隱藏喺上環摩羅街嘅串燒店「仟穆」，有刁鑽雞內臟，酒單OK之餘氛圍感滿滿，極適合港島區上班族放工嚟飲返杯。

仟穆│極刁鑽三黃雞內臟

仟穆必吃item：「三黃雞內臟燒廚師發辦」，雞大動脈、雞掌肉、雞喉嚨、甲狀腺、雞橫膈膜、提燈，某啲部位刁鑽到喺日本都未必食到！當然仲有肝腎心皮等大路嘢，好此道者一定大滿足。雖然唔係用炭火，但勝在師傅技巧純熟，電爐一樣燒出高質。雞皮及雞肝燒得超好，粉嫩油香，加多串真雞軟骨，呷一啖Suntory生啤，不得之了。若然唔鍾意雞內臟，仟穆仲有牛豬羊肉同埋海鮮，汁燒鰻魚、北寄貝，仲有不能錯過嘅愛知縣燒香魚。喺香港食日本嘢從來都優質，使鬼飛日本咩，加上我鍾意用現金，北上？不了。

仟穆CHI YAWARAGU

上環摩羅上街28號

9448 5988