「點解一齊咁耐都唔明白我？」
「 點解，我要咩佢都仲係唔知？」
心有靈犀偶然會發生，
但如果你覺得兩個人一齊就係要對方時刻明白你，這就證明你仲未成熟。
可能你會話：「愛一個人唔係就要理解對方咩？」
首先你要清楚理解嘅定義。
「理解」可理解作「我願意去明白你」的一種態度。
世上冇人會完全百分百明你，分分鐘你自己都唔係好明白你想要咩，更何況係人哋？
要人明白你第一件事先從自己的表達開始， 你平時能夠清晰表達自己所需所求嗎？
如果你發現你身邊嘅人經常無法理解你，有時候問題不一定起對方身上亦可能係你自己表達出咗問題。
我們渴望被了解，
首先我們先要學習了解自己。
我們渴望被愛，
請先讓我們先學習愛惜自己。
然後你發現你身邊人總好像一啲都唔明白你但又很努力嘗試去理解你，恭喜你！我唔敢講你遇到對嘅人，但最少，你遇到一個願意用心理解你嘅人。
作者為香港催眠輔導中心創辦人、催眠治療導師Timothy Lam
