提起《拳皇》我諗大家都冇可能唔識，一隻遊戲可以由九十年代橫跨至而家，有幾經典都唔使多講。特別係內地遊戲廠商開發《拳皇98終極之戰OL》，一年純利超過4.5億元人民幣後，全世界都重新審視《拳皇》嘅市場，土下座最少就知道本地遊戲廠商Gameone都即將發行一款「參考」《Pokemon Go》玩法嘅手遊，實行去到邊打到邊。不過，講咁耐其實唔係想講手遊，而係想講即將發行嘅一隻另類拳皇game《SNK女傑狂熱大亂鬥》，唔知係咪玩到冇嘢好玩，今次索性嚟個惡搞格鬥，隻game只係得番啲性感女角，而且操作大大簡化，雖然係2vs2，但小朋友都可以狂出到連技，雖然暫時玩落冇乜技術，但畫面養眼又爽快，如果掛住《拳皇》都可以試試！
