作為Oyster lover，我周不時都會發掘下啲蠔吧。雖然以打計食法唔及buffet抵食，但勝在質素高而穩定，最重要係唔使排隊等refill兼唔使爭！不過，凡事有例外，尖沙咀喜來登酒店蠔酒吧係我暫時食過最高質嘅香檳生蠔free flow brunch。但今日主角唔係佢，而係有人稱觀塘王敏德(好似得我一個覺得佢似)坐鎮嘅The Fat Oyster！
生蠔每星期來貨4次，驟眼睇有超過50款選擇，而且價錢極貼地，手掌咁大隻兼厚肉Majestic只係$384一打，再送多半打自選生蠔(指定價錢內)，除開都係$21隻！真心超抵食！隔籬APM一田賣緊$48隻，同樣係N2。生蠔以外，亦有其他海產，日本馬糞海膽同樣新鮮抵食！$88盒唔係仲諗呀嘛？
留意番，要預等起碼30分鐘開蠔。我上星期四晚(3月29號紅日前)去，足足等咗一個鐘有凸。
The Fat Oyster
觀塘駱駝漆大廈3座4樓