對好多城市人來說，在草地野餐只係電影場景，而家有機會做到啦，就係參加10月21日(星期日)下午1至6時於九龍灣「零碳天地」舉行的「Let’s Picnic!草原野餐派對」，與柴犬SHIBE齊齊野餐樂！
呢項活動免費入場，由地捫及建造業議會，與「零碳天地」合辦，本地品牌SHIBAinc柴犬工房亦全力支持，場內有多個與柴犬selfie打卡位，SHIBE當日會現身。講番個活動，係以野餐為主題，鼓勵大家放低手機，珍惜與家人朋友一起相聚時刻，齊齊到戶外吸下大自然空氣，享受一下低碳野餐，趁秋高氣爽同陽光與草地共存。
除了草原野餐專區之外，場內亦設有不同主題活動專區，包括親子工作坊、至Fun攤位遊戲、慈善美食車、限定柴犬精品義賣、仲有人氣Busker現場表演，例如日本街頭藝人Mr. Wally、人氣樂隊RED HOUSE等到場表演支持！柴犬SHIBE亦會到場與大小朋友們見面影相齊齊野餐。想到場欣賞記得留意清楚節目表！
既然係提倡環保，當日的慈善美食車會加入「借用環保餐具」元素，呼籲公眾自攜餐具到場參加活動。而地捫會義賣多款地捫暖湯，所有善款將撥捐惜食堂，可以飲暖湯，還可以做善事！