日軍「最後の司令部跡」，正是設在山崖的洞穴中，外邊充滿子彈孔。
椰林樹影，陽光燦爛，水清沙幼，萬里無煙霞。玩潛水、跳降傘、香蕉船定係水上電單車，總之就係享受當刻嘅人生，眼前風光一道如畫。
「自殺崖」和「萬歲崖」旁邊設有紀念碑。
講到嘆、盡情玩，挑戰自己極限，橋段正係保險公司沿用幾十年的電視廣告。再唔係一有時間，就打算離開香港，或是平日靜落嚟，聽舊歌睇舊戲，大量懷念又點會有突破。新不如舊，是舊的太好？定係新嘅文化唔啱味道。需知道歷史價值，要承傳需要打造，要不然將寶藏變為廢土。
牧場糖廠 小島風光
一般人要去天寧島(Tinian)，必定需要經過塞班。Saipan係Commonwealth of the Northern Mariana Islands(北馬利安納群島)的聯邦首都，同天寧島地域及情況接近，皆為太平洋中間嘅小島。塞班於1521年被發現，到1668至1898年為西班牙統治下的牛豬養殖牧場，戰敗於美國後西班牙將其售予德國。一次大戰後，國際聯盟正式將該島交由早已佔領嘅日本託管，作為其授權的南洋領土，糖廠「南洋興発株式会社」進駐為時代印記。
可惜及後日本認為塞班係最後一道防線，安放接近3萬日軍作恆常駐紮。1944年6月15至7月9日之「塞班島戰役」，為二次大戰中的主要戰爭，戰鬥中估計有2萬名日本平民喪生。在沒有補給的情況下，日軍仍決定戰至最後一人，並作自殺式「寧為玉碎，不為瓦全」的「玉砕」(這為日文)攻擊。頭盔扎上象徵國旗嘅紅點白布、肩膀綁上軍旗，一聲「天皇陛下万歳」(這為日文)，僅以刺刀或武士刀作為肉搏式的「萬歲衝鋒」(バンザイ突撃)；而其餘大約千名老幼婦孺，被迫走到懸崖，同樣一聲高呼後集體跳崖。這正是現今「自殺崖」(Suicide Cliff)和「萬歲崖」(Banzai Cliff)名字之由來。其時正為7月7日，「天皇陛下万歳」為印記。
有傳日軍在司令部內切腹自盡。
戰場兵廠 紀念傷亡
二戰結束，塞班島成為「Trust Territory of the Pacific Islands」(太平洋島嶼託管領土)的一部分，並由聯合國交予美國管理。而日軍之沿海炮兵及防禦設施、剩下的裝甲車和炮彈，仍得以留在原地，懸崖旁邊設有不少對這群手無寸鐵的平民所建立的紀念碑，作為對戰爭的反思和紀念，懇請不要盲目的吐口水和以腳踩之。
活在當下，時代交替，文化轉變，有啲嘢見到已經唔敢去講。國家實力擴張，民族主義膨脹，戰爭有如社會運動，發動之後並非單方面可以操控。要將歷史還原，還是將事實漂白？能保留下來的，除了藍洞、鳥島、禁斷島、軍艦島外，還有日軍最後司令部。推廣旅遊之餘，有幸戰爭歷史還得以保存，留為印記。
昔日作戰的武器仍然得以保留。
塞班為日本最後一道防線，戰役令美日兩軍傷亡慘重。