日本搞笑二人組合「木哥杏子」(Mukoangie)登陸香港，仲拍咗個電視廣告(TVC)，Ray有機會預睇，一睇就好鍾意，今次係為電器商舖PanaShop宣傳。片中佢地講啲好得意嘅日文，到底佢地係邊個？
「木哥杏子」男嘅係一個識講廣東話嘅日本人「木哥」；女嘅其實係曾居住於英國、日本和香港，並懂得多種語言的「杏子」，出道咗8年，相信鍾意日本嘅朋友仔可能都會見過佢地。兩人識於微時，當年杏子於早稻田大學劇團表演時， 拍檔突然間不能出場，於是杏子便臨時邀請於門口賣飛的木哥代替拍檔一齊表演，竟獲得一致好評，從此佢地正式成為一對搞笑二人組，後來仲決定一齊做一啲宣傳日本文化有關嘅工作。
講返啱啱幫PanaShop拍嘅TVC，佢哋都好雀躍同開心有得同PanaShop合作，能夠同由細聽到大嘅品牌合作係佢哋嘅榮幸。唔講唔知，原來PanaShop於1986年成立到今年年尾，分店數目將增加至20間。店內銷售品牌包括Panasonic、JVC、KDK、Rasonic、Karcher、Breville等，而產品類型包括影音、家庭電器同酒櫃。
「木哥杏子」原來都係第一次拍電視廣告，而佢哋都覺得拍攝好好玩一啲都唔辛苦，為食嘅「木哥」更加表示好鍾意香港嘅拍攝現場，雖然要通宵拍攝，但係勝在好多零食同埋仲有宵夜添，大家記得今日起坐定定喺電視機前面欣賞佢哋處女作啦！