香江的局勢，真係牽動住整個東亞地區。我地轉去睇下新加坡。其實坡佬忙緊乜？佢地忙緊準備大選。你都知啦，無論點樣選，始終都係人民行動黨會贏晒，賭幾多都得，問題只係贏幾多成而已。佢地點解關心香港？因為香港如果咁樣亂下去，表面上坡佬會搶了好多好處。但實際上，唔係咁簡單。因為坡佬盤算的是，不單只係錢，而係借香港的亂局來撈大選的好處。
好多人都知道，香港反送中運動，對台灣English Choi有利，淨係一句：「今日香港明日台灣」，都可以贏晒。但對坡佬呢，就係另一樣嘢：今日香港咁亂，他日坡佬隨時相隨。所以，坡佬唔支持反送中㗎，咁樣會影響社會穩定㗎。呢個「穩定」論述，響坡佬同馬拉有市場㗎。即係香港越亂，人民行動黨贏面越大。噢！
香江情況膠著，之前搞到一嚿嚿嘅英國政圈，都係一樣。英國大選形勢混亂，因工黨老細彬叔去到埋牙階段，仍然做唔起個勢。咁未有國會選舉之時，大家都未至於翻彬叔之舊帳。但當依家選舉關頭，親保守黨嘅文宣又來啦。一來就係列舉番彬叔過往響歐洲問題上左搖右擺啦。二來又係攻擊返工黨上台之後，佢地政綱講明要搞好公共服務例如醫療，即係NHS。咁好易明啦：投俾工黨，閣下就會回到加稅的「老樣子」，咁工黨確係有前科嘅，因為上世紀七十年代，工黨上場真係畀福利兼加稅，咁依家事隔四十幾年，工黨嘅本質有冇出現變化呢？
依家人民鍾意選擇民粹及出位嘅政客，傳統政客確係冇乜運行。今日英國工黨之問題，就係彬叔係一個具有爭議性嘅人物，因為佢係相當old school，全身都有一種懷舊嘅氣色，講嘅內容同政綱都係相當老餅，咁又好難怪選民鍾意支持脫歐嘅極右政黨，由奶嘴哥Nigel Farage領導之政團，佢地形勢唔錯呀。近日土耳其話，頂唔順西方國家當土耳其係收容罪犯嘅天堂，於是突然高調四圍講，話佢地依家將原本來自西方國家之恐怖分子，遣返番佢地本國。咁英國已經好醒，早就話呢班真正世界級暴徒已經沒有英國國籍，但土耳其睬你都傻，一於送佢地回國，咁英國佬又要硬食返呢班人。奶嘴哥即刻食住上大鬧土耳其啦。下個月就係大選，如果工黨仲未有起色，保守黨贏咗就真係個政治版圖唔同晒。
回到台灣，English Choi好似聲勢好強，Korean Fish就重施故技，又用返一些當年選高雄時嘅操作方式，即係信口開河，講下一些聽落去好難實現嘅競選承諾，以及佢地一直俾綠營打擊嘅悲情策略。呢啲嘢，唔好以為冇用，因為佢地嘅深藍支持者，生活嘅世界就係咁。Korean Fish吹水仲有冇人信呢？我就覺得唔好低估Korean Fish嘅庶民語言，好勁㗎，真係有選票㗎！