港人愛遊日，東瀛遊集團最近索性在大阪自資開酒店，成為首間在日本興建及投資酒店的本港旅行社，老細禤國全更親自帶咗個傳媒團去現場考察，睇下一間傳統旅行社如何轉型，面對愈趨白熱化的網上營銷。
今次參觀新開幕嘅大阪逸の彩酒店，位於浪速區惠美須町，鄰近通天閣及難波，靜中帶旺，而貼心服務就係王道，好似軟硬高矮枕頭、免費借單車同Wifi蛋，仲有宵夜免費拉麵同酒水。Ray見禤生全程親力親為，由朝到晚、幾乎乜都落手落腳，晨早6點就去到機場示範點樣換車飛去市中心，再買咖啡同熱朱古力給一班記者提下神，原來日本M記嘅朱古力係有大杯裝㗎！
冇幾耐，去到酒店又叫工程公司開水喉(600米地下溫泉水)等大家試水溫。咁出團當然唔少得食好嘢㗎啦，禤生帶大家由電器街行到黑門市場，試完關東煮再試松阪牛，仲有坂堺電車沿線抹茶老店，試試堆山咁高嘅抹茶刨冰。
香港客人一向要求高，想睇下呢間逸の彩酒店有乜吸引力，住唔住得過，遲兩日睇am730 旅遊版啦。