日日留家抗疫，天天自煮三餐，煮得多冇晒idea，想充電休息一下食好嘢？香港迪士尼樂園度假區再度推出「家倍滋味」真空美食包，由樂園酒店大廚主理之餘，仲有外賣送遞，只要簡單加熱，即可在家享受迪士尼的美饌。
「家倍滋味」真空美食包由即日起至5月28日供應，8款中西菜式選擇，來個天多尼番茄汁燴羊膝配茴香咖喱燒新薯、白汁蘑菇燴黑毛豬豬面頰配煙肉馬鈴薯球，加一個西式蟹肉濃湯，或者晶荷軒得獎菜式川味家常牛小排，搭配「珍珠雞二食」——燒雞胸釀黑松露及紅酒燴雞髀配香滑薯蓉，佐以白飯，就有一個完美晚餐。
美食包以時令食材炮製，又加入迪士尼特色的米奇圖案，充滿迪士尼色彩，只要解凍真空美食包，再直接放入滾水中烹煮，30分鐘就有得食，「無飯夫妻」、暗黑廚神也能輕鬆駕馭，可以到https://www.hongkongdisneyland.com/zh-hk/book/general-dine/takeaway-dining-with-delivery或致電3510 6000預訂，記住最少3天前預訂。
