話咁快一年一度遊戲大獎(The Game Awards)名單出爐，當中最多人談論同關心嘅，當然就係年度最佳遊戲(Game of The Year)，係唔少玩家同業界都視為重要榮譽之一嘅獎項。去年競爭冇今年咁大，得主《薩爾達傳說：曠野之息》算係意料中事，但今年佳作就認真多多，由年頭開始就有對外國人嚟講實屬「黑馬」嘅《魔物獵人世界》，亦有《Red Dead Redemptions 2》、《Marvel’s Spider-Man》、《刺客教條：奧德賽》等幾隻真真正正超高水準傑作，所以事前都冇人估到冠軍誰屬。最後，年度最佳遊戲由PS4獨佔嘅《戰神(God of War)》奪得，呢隻game當時都有同大家講過，土下座覺得實至名歸啦！值得一提入圍遊戲當中有隻名為《Celeste》嘅小本製作，但響IGN拎到10分滿分嘅作品，都絕對值得大家玩玩！