行程都有好多位可以給旅客蓋印章，鄧炳強在碼頭位置熟習地示範。
沙頭角本月初開放給旅行團，令不少人有機會到訪揭開這個禁區的神秘面紗，主責的保安局長鄧炳強今次更是落足心機，由行程設計到手信紀念品等細節，都熱心參與。上周六佢親自帶隊做導遊，帶傳媒團一日遊，先參觀平日不開放的中英街，由早於1898年豎立的中英街界碑，到疫情後中英街中間為了防疫而築起圍牆的前因後果都如數家珍，果然星級導遊也要熟書。
傳媒團友之後坐船去吉澳及荔枝窩參觀，呢位星級導遊都全程一齊，並在上船前詳細介紹沙頭角新碼頭，仲有在碼頭旁邊的新打卡位「沙頭角之角」，原來係團隊為旅客創造出來的，方便到此一遊的團友有一個拍照留念同開心些牙的打卡靚位，其中元素包括懷舊式中英文路牌、經緯度資料、紀念界石、背景等，都諗過度過，反覆討論修改，然後就出現「沙頭角之角」呢個新景點！
沙頭角之角對面就是內地範圍。
