Cate Blanchett
Uniqlo真係愈來愈型棍。最新一役找來奧斯卡影后Cate Blanchett正式加盟，成為全球品牌大使，經已夠響有突，仲會同傳奇網球王者費達拿一齊合作，幫品牌打響全球知名度！
優衣庫話，搵Cate唔止係因為佢戲勁好、紅到爆，而係佢長年關注人道同環保議題，完全符合品牌「服適人生(LifeWear)」嘅理念——即係用簡約實穿嘅靚衫，改善大家嘅生活，推動世界變得更好。
Uniqlo母公司迅銷集團(Fast Retailing)老闆柳井正。
Uniqlo母公司迅銷集團(Fast Retailing)老闆柳井正就大讚Cate：「她不僅是舞台和銀幕上最出色的演員，她對新一代藝術家的支持、作為女性榜樣，還有為環保出心出力，全部都令人敬佩。今次合作，我們期待可以一起為世界帶來正面改變。」
雖然優衣庫未話明Cate會參與哪些活動，但諗下佢平時啲型格打扮，就知一定係品牌宣傳活動嘅焦點。加上之前費達拿都有自己聯名系列，唔知Cate會唔會都有啲特別驚喜呢？拭目以待。
Cate自己都話好開心可以加入優衣庫：「我好欣賞他們『服適人生』的概念，服飾設計簡單但耐看，價錢又親民，適合日常穿着，重點係真係改善到人生活。」
她補充，能夠同舊相識、設計師Clare Waight Keller再次合作，仲有機會同費達拿合作交流，感覺相當榮幸。作為小小粉絲一枚，梗係想看她落手參與設計，整返條聯乘系列先。
Clare Waight Keller去年9月獲委任Uniqlo創意總監。
Clare Waight Keller在個人IG出post歡迎Cate Blanchett加入。
設計師Clare Waight Keller亦禮尚往來，在個人IG出post歡迎Cate的加入：「能夠再次與Cate合作深感榮幸，我一直非常欣賞她對戲劇、電影、工藝的熱情，以及她為人道主義事業所做的一切傑出貢獻。我最珍惜的是她對女性持續、真誠的支持，這對我們當今社會至關重要，意義非凡。」文末不忘賣廣告，官方發布相片中Cate身穿正是Clare設計的Uniqlo：C秋冬系列，於本月出街。
Uniqlo：C 2025秋冬系列。