.備長炭關東風鰻魚飯420─燒得超高水準，邊位夠焦脆，鰻魚超肥美分量十足，幾乎睇唔到啲飯，鰻魚汁調味適中，同我喺日本淺草食嘅差唔多，呢個鰻魚飯超想翻啅，四百幾不貴不貴。
想喺IFC搵間非天價餐廳食個開心lunch從來不是易事，尤其好似我咁奄尖聲悶嘅麻煩友，要求多多，最好質素有番咁上下，價錢又唔好天價，一定要坐得舒服，如果係日本嘢就更加無任歡迎………最近喺國金開嘅呢間「無二by La Bombance」，完全符合晒我以上要求。
.炭火燒宮崎和牛丼 $260─啲肉紅卜卜，咪以為唔熟呀，叫人換過碟俾人笑你呀，話明「燒牛肉」個肉芯一定係粉紅色，咁樣先夠嫩，建議撈勻隻溫泉蛋&洋蔥粒同飯一齊食，牛魔王必點之選。
.炭火燒佐賀縣三瀨雞肉飯 $260─罕嘢嚟，三瀨雞係佐賀縣特別養殖嘅，以法國赤雞為本，用炭燒最能帶出呢種雞嘅特性，肉質既有彈性雞味重，配少少wasabi仲好食，有助減膩。
來自東京嘅「無二by La Bombance」，午市主要玩丼，一打開餐牌，你會發現食材全部來自日本，東京豐洲海鮮、鰻魚、宮崎和牛、北海道海膽，仲有坊間少見嘅佐賀縣三瀨雞；而呢度嘅米，用上日本佐賀縣出產嘅さがびより，屬最高特A級米種，兼且用阿蘇礦泉水嚟煮飯，好癲？未算，如果你食海鮮丼或壽司的話，用嘅調味米係由香港米芝蓮二星壽司店Sushi Saito大廚藤本健一監製，真係超級癲，三四百大洋就可以食到咁高水平嘅丼飯，喺IFC真係獨一無二。
無二by La Bombance│中環國際金融中心商場2F 2016店舖│2338 8353
.十色丼一個$190兩個$280─特首就話冇得揀啫，無二嘅海鮮丼有十款俾你揀，噏得出嘅海鮮配搭都有，如果你有選擇困難症可以叫晒十個，再講一次呢個調味米超級癲！
.炭火燒宮崎和牛(西冷) $480─又係燒得超香口，生熟度又係一流，看來主理炭火師傅係超級高手嚟。
無二by La Bombance│中環國際金融中心商場2F 2016店舖│2338 8353