惠比須岩蠔伴油菜花明太子──蠔嘅海水與明太子嘅鹹辣，配對非常巧妙，胃口大開。
生活喺香港有時都幾幸褔，早排仲心思思想走轉福岡嘆海鮮，殊不知The Mira嘅WHISK搞咗個期間限定嘅福岡尋鮮之旅，食材全部由福岡空運直送，惠比須岩蠔、志賀島淺利蜆、海螺、櫻鯛、博多地雞、「松の子」菇菌同埋甜王士多啤梨，齋睇陣容都冇得輸，唔使飛福岡一樣食到靚海鮮，以解我單思之苦，供應期有限，據我所知就幾爆下，訂枱手快有手慢冇。
WHISK福岡尋鮮之旅由即日起至22日 六道菜$890/四道菜$690
地址：尖沙咀The Mira Hong Kong 5樓 電話：2315 5999
鹽燒櫻鯛──鯛魚有幾好食毋須多講，配角松の子嘅幽香非常搶鏡，食味絕不比松茸遜色。