有老友同我講，四大代理同時認為樓市會出現小V型反彈，問我是否同意。筆者認為，這並不是同意與否的問題，四大代理做中介生意，「唔通話樓市下跌，真係搵鬼買」。不過，他們的說話亦不無道理，樓市在去年疫市期間亦沒有大幅下跌，就算上升都只可以說小V型反彈，如果樓市去年大幅下跌，而今年掉頭急升，才可以用大V型反彈來形容。
有一點大家不得不注意，在疫市下，大多數業主都不喜歡物業代理帶客睇樓，在這情況下，成交量以及樓價仍然可以保持，嚴格來說，這是脫離了現實，代表不少買家根本沒有睇樓，大拿拿一千幾百萬元唔睇樓就買，話樓市沒有上升動力都不會有人信。
有年輕朋友叫我不要發表有關疫市後，內地人士到港買樓文章，尤其是唔好叫政府撤辣，否則就唔夠內地人搶。這點我同意，但做唔到，筆者發文只是想提醒大家政府有機會撤辣，內地人亦會來港買樓，有能力有需要就可以買，如果不發文，他日政府撤辣，以及有大量內地買家，我可能被人話唔提醒大家。
四位物業代理頭頭話，如果疫情在今年消失，樓市有機會作出大V型反彈，筆者則又不同意，因為樓市並沒有大跌，就算因新冠肺炎疫情緩和而樓價飆升，都只可以說是「✓」型反彈，至於是否會出現悲情樓市，一定會，賣了樓的人會覺得很悲情。
作者為紀惠集團行政總裁
文章轉載自「AM地產」facebook:
http://bit.ly/2wls4EF