像錘子的年齡
身邊有位朋友，常常把所有問題都和「人的年紀」拉上關係。「以前就話可以夜瞓啫，而家老咗唔得喇。」「而家啲韓劇唔啱我哋睇㗎喇，年紀大喇嘛。」「我以前唔食呢啲嘢，而家老咗所以就食喇。」她今年只是30多歲，然而，她未到30歲時已經這樣說話。
當然，年紀增長，有些生活習慣和喜好或者會改變，但改變大概是慢慢的。80歲和20歲來比較，分別會明顯。但她口中的「你老咗喇嘛，梗係睇唔明呢啲啦。」(暗示她自己是明白的)而我和她只不過相差幾年。其實，我「睇唔明」(或者叫「冇feel」)就只不過是「睇唔明」，或者我20歲時一樣有東西「睇唔明」，但那個時候，因為我年輕，所以就不能搬出「你老咗喇嘛」這個理由。那就好像，「你是黑人」所以你點點點，都和膚色有關似的，所以好多時候都沒關係。
「四五十歲喇，仲點跑呀？」但你看發哥(70歲)，村上春樹(77歲)，還在跑。2025年8月，102歲的阿久澤幸吉還成功登頂富士山。職業運動員年齡會嚴重影響表現，但你要當運動員嗎？只怕你連77歲的村上春樹都跑不贏。Maslow馬斯洛說過：「如果你手裡只有一把錘子，你會發現每個問題看起來都像一個釘子。」連喜不喜歡看韓劇、能否愛上年輕偶像、去旅行是愛購物還是看風景、吃不吃苦瓜……都要和當事人年齡扯上關係，因為別人把年齡化作了錘子，把一切可能性都釘死了。除非你真的是百年歸老，不然的話，不如放下錘子，再上路吧。