企在兩位男主角旁的陳曉華，說寧揀何廣沛做男朋友。
吳業坤、陳曉華(Hera)、黎燕珊、何廣沛及麥秋成等，昨日出席劇集《異搜店》記者會。擔任女一的Hera，知道要與坤哥合演情侶後，表示寧揀何廣沛做男朋友，因早前合作過較有默契。何廣沛聞言即說坤哥好識照顧女仔。
Hera在劇中與何廣沛有不少對手戲，另外還跟坤哥飾演情侶，不過現實中她比較想選何廣沛做男朋友，Hera說：「因為我之前同何廣沛合作過，當時何廣沛好識照顧人。入行咁耐冇同坤哥合作過，到依家都唔係好認識坤哥，所以想揀何廣沛做男朋友。」何廣沛即笑說：「我聽講坤哥好識照顧人，特別係女仔。」
Hera稱有減肥壓力
不過，何廣沛對Hera讚不絕口：「Hera算係比較新嘅一個演員，不過佢好聰明，因為佢係香港小姐冠軍，美貌與智慧並重，我講一啲事佢馬上就識。」 這次是Hera首次擔任女主角，她說不會給自己太大壓力：「我覺得有壓力嘅話就會演得唔好，所以依家經常提自己放鬆，反而覺得有壓力減肥，因為兩位男主角都好瘦，你睇何廣沛塊臉，太瘦啦。」何廣沛聞言即問Hera：「你邊度肥！」Hera就稱：「自己塊臉唔夠瘦。」
吳業坤、何廣沛突然在席上玩起抱抱。