同男友夾公仔 夾到專門空間房出嚟……

大家玩夾公仔時戰績如何？相信都係夾唔到嘅時候比較多……

不過呢位內地女網民就明顯比較幸福，因為佢有一位擅長夾公仔嘅男朋友。

佢喺網上同大家分享同男朋友夾公仔一年後嘅戰績－－專門空一間房出嚟擺公仔，打四面牆嘅櫃，放到成房公仔，場面壯觀！

最後呢位女網民就以放閃作結：「我有時覺得自己好敗家，佢話無事，難得你鍾意，喺我能力範圍內，點解唔滿足你呢。」