大家細個時,有無夢想過住城堡,依家有機會喇!
意大利國有財產局現正送出103件破敗物業,包括別墅、旅館同城堡,通通免費!
條件就係各位希望取得免費資產嘅人,必須承諾會修復物業,之後就無論你想將佢哋變成酒店、水療中心、餐廳,或其他任何用途,都悉隨尊便。
國有財產局Roberto Reggi表示,專案主要為推動並支持發展遲緩嘅旅遊業,目標係將目前閒置嘅私人及公共建築物,改造成觀光設施,吸引旅客。當局仲希望計畫能疏解威尼斯等人流飽和嘅熱門景點。
申請截止日期係6月26日,申請成功者將獲得9年時間完成開發計畫,之後有可能再獲延期9年。今次申請失敗唔緊要,意大利政府已計畫未來兩年內,以同樣方法釋出200件物業,提供有心人士投入發展。