有「最索丫鬟」之稱的陳婉婷離開無綫之後，不愁工作，除了參與ViuTV真人騷《家務戰場》、拍電影，日前更擔任婚紗代言人，酬勞達6位數字。早前她在社交平台上載多張婚照，令不少人以為她秘婚，她坦言以前因為工作不時需要穿上婚紗，更打算在30歲前結婚生小朋友，雖然已過30歲，但至今仍對結婚充滿憧憬，希望與另一半組織家庭。
仍然單身的陳婉婷盼Mr. Right盡快出現，她認為能找到一個願和自己分享的人很重要。她說︰「因為我覺得無論你做嘢幾成功都好，都需要有一個人同你分享。我絕對唔介意女主外、男主內，其實我覺得做家庭主婦或夫，都係好辛苦嘅，要照顧小朋友、打理家務，絕對會辛苦過打一份工。同埋其實出去做嘢嗰個，有時會有啲壓力同埋情緒，返到嚟屋企嗰個嘅support係好緊要！」
她又希望另一半是個可以共富貴、患難的人，「試過有個有錢嘅男仔追咗我2年，對我好好，但係佢突然家道中落，佢冇錢喇，我好記得佢同我講，覺得冇能力比到好嘅生活我，唔想我跟住佢捱，所以唔再追我，跟住佢就離開咗香港發展。有啲男仔呢，你肯同佢捱，但到佢有錢就唔專一就出去玩。」
