「金牌經理人」陳自強(Willie)上月離世，喪禮將於日內舉行，為紀念這位曾經是47位娛圈巨星的傳奇經理人，奇妙電視將於今、明兩晚，重播汪曼玲主持的《星級會客室》節目，當日Willie在好友兼拍檔梁李少霞陪同下，首次接受電視訪問，細數他甜酸苦辣的經理人生涯，以及和藝人子女的相處點滴。
成龍是Willie「大仔」，之後才簽張曼玉、張學友、鍾楚紅和鄭裕玲，Willie形容：「嗰段時間係最開心，後嚟不斷有人敲門，高峰時有47份藝人合約。」當年電影市道暢旺，Willie自豪地說：「每個子女都同時拍緊幾部電影，一年唔少過12部片約，鄭裕玲『鄭九組』個名，就係咁嚟，拍到連瞓嘅時間都無，好辛苦，我叫佢哋當製片係銀紙，一張張咁排住隊嚟，捱多幾年搵到錢就舒服啦！」
後來黑社會入侵娛樂圈，動輒舞刀弄槍爭巨星檔期，Willie指當年張國忠(譚詠麟、劉德華經理人)都被人用槍指嚇過，而他也被人出言侮辱。Willie稱：「佢哋問我攞某女星檔期，我話返去同女星商量下，佢哋即刻丟劇本落地話：『以為你係manager，原來係messenger，你自己諗啦！』」