湯寶如演唱會壓陣 譚詠麟:自己人梗係撐
2017-11-17
news-images

湯寶如前晚於九展舉行《獨愛音樂25週年》演唱會,請來黎瑞恩、薛家燕、陳曉東及黃奕等任嘉賓,最矚目就是壓軸登場的譚詠麟,他稱在寶麗金年代,沒有和湯寶如合作,所以這次她開騷,一定力撐。 

壓軸登場的譚詠麟,一出場即引來觀眾尖叫,更與湯寶如合唱《暴風女神Lorelei》與《愛情陷阱》等經典快歌,之後譚詠麟在台上說:「我哋咁多年冇合作過,唔知點解冇人安排,我哋都係寶麗金年代嘅,所以即係自己人啦,自己人就唔使講嘢。一定撐啦!」完場後,湯寶如表示心情仍然十分激動,直言感謝各歌手嘉賓支持:「我一決定要開演唱會,就馬上打電話給俾佢哋,全部都即刻答應。」湯寶如又特別感謝譚詠麟到場:「佢日程真係好忙,而且我哋之前雖然同一間唱片公司,不過冇合作過,所以真係十分難得。」


擔心兒子發高燒拒絕慶功
問到完場後會怎麼慶祝,她說不會慶祝,因為10歲的兒子,這幾天不斷發高燒,每次彩排完要回家照顧兒子:「囝囝今日有到場替叫我加油,真係又感動、又擔心,所以想盡快返屋企睇佢。」她又宣布明年會推出新歌:「我會繼續做我嘅音樂,我唔會停。」湯寶如透露將與新的音樂人合作,希望能擦出新火花。

news-images
久未露面的黃奕,專誠來支持湯寶如。
Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多