李克勤獲邀成為無綫節目《聲夢傳奇》參賽者的「奶爸」,日前播出的《聲夢前傳》中,當介紹李克勤出場時,15歲的詹天文完全不知道李克勤是誰,立即衝口而出說︰「邊個嚟㗎?」當身旁的參賽者告之是李克勤後,詹天文再說︰「真係唔識佢。」而另一位14歲參賽者姚焯菲更直言「認得佢個樣,但唔知佢叫乜名。」又指自己的爸爸成日聽克勤的歌。
節目中擔任主持的森美問到參賽者有沒有聽過或唱過李克勤歌曲時,雖然個個有舉手,但眾人表現尷尬。其後森美發現有參賽者孫漢霖對有關克勤的提問都持續舉手,隨即邀請他唱出一首克勤的歌曲,但他面露疑惑,之後哼出幾句,惟歌曲卻是陳慧嫻的《儍女》,明顯對克勤的作品完全不熟悉。
有不少網民為克勤抱不平,認為一眾參賽者既然表示自己對唱歌有熱誠,但卻完全不熟悉香港的歌手,欠缺尊重兼沒做足功效。不過,克勤近年專注大陸市場,作品推出不多,加上時下年青人熱愛K-pop文化,一眾後生仔女對克勤沒印象絕不出奇。
其實早於05年,克勤有感未能打入後生市場,曾叱咤頒獎禮上以西裝比喻自己︰「903好似一間年輕人嘅時裝店,而李克勤就賣西裝,你哋會發覺呢啲西裝好少會喺呢間舖頭賣,而呢間舖頭又好少向西裝舖攞貨。但係後生仔有時都要一件西裝旁吓身嘅,所以我呢幾年搵咗好多年輕嘅設計師,幫我搞下套西裝,終於都有西裝賣。」最近克勤的作品亦找來年青的製作班底,直言要打做一些「young line」作品。