張敬軒和王菀之(Ivana)前晚為本月16至19日於紅館舉行的演唱會排練。今次是Ivana第一次在紅館四面台表演，坦言心情緊張，擔心會誤踩舞台陷阱，不過軒仔笑指她就算跌倒亦不怕，因為她好肉地，能自我保護。
彩排時，二人合唱《友誼的小船》，軒仔唱錯歌詞，即場被Ivana取笑，但二人齊聲否認「甩轆」。Ivana又話：「軒仔見到地下有窿都唔會講我知！今次係我第一次開四面台，唔習慣走位，成日都認唔到路落台。」身旁軒仔就整蠱她笑說：「你見到『出口』個牌就行過去啦！」
杜麗莎《歌手》出局 軒仔替觀眾可惜
另外，提到杜麗莎於《歌手》出局，軒仔指：「觀眾唔會記得歌手喺節目嘅名次，只會記得歌曲，我戥觀眾可惜，因為杜麗莎老師唱live係所向披靡，佢唱多幾集，觀眾就有更多機會享受音樂。」