余香凝奪微電影女主角獎。
余香凝與鮑起靜及潘燦良拍微電影《日子總有我伴你走》。
余香凝(Jennifer)去年底與影后鮑起靜及好戲之人潘燦良拍攝微電影《日子總有我伴你走》，憑此奪得「最佳微電影女主角」獎，主辦單位因疫情未有舉行實體頒獎禮，該獎座日前終送到Jennifer手上。Jennifer既感恩又開心，笑指腹中BB「腳頭好」，「BB喺肚入面經歷拍攝同攞獎。不過我覺得最大最大拎獎原因係導演同鮑姐，冇鮑姐做對手戲，唔會有呢個表現出，所以多謝鮑姐。」
余香凝指獲獎感激飽姐帶她入戲。
懷孕8個月的余香凝笑指BB「腳頭好」。
Jennifer自言沒想過要奪獎，能參與拍攝已感滿足，「一直都好想做關於親情的作品，導演第一次搵我拍呢個微電影時，自己計劃緊結婚，到拍攝時就有BB，所以所有嘢嚟得好合時。加上自己婆婆都好大年紀，希望婆婆或大家睇到，宣揚珍惜眼前人的訊息。」她大讚整個團隊充滿愛，拍攝時非常緊張她這個「大肚婆」，她說︰「唔洗埋位大家就叫我坐呀，鮑姐又叫我休息呀，又驚飯盒唔夠營養再加餸，有雞有其他肉叫我食多啲，所以成個團隊好有愛。」她透露導演想拍電影長片，期待原班人馬再合作。