衛詩雅(Michelle)為屈臣氏花物水擔任代言人， 她表示一直都有自製蜂蜜水的習慣，「我好鍾意啲有味嘅水，特別係有花香味或者蜜糖味嘅水，自己一直都有沖蜂蜜水飲，除咗因為對身體好，飲嘅時候成個人嘅心情都會開心啲。」Michelle表示自己每日最少飲八杯水，直言「飲得多水，皮膚狀態會好好多，亦都容易上妝啲。」
Michelle最近參與策劃一部喜劇，了解到各個崗位的難處。她說︰「之前做演員我淨係諗演員嘅情緒係最緊要，做演員我真係會想拍咗一場笑嘅戲，之後拍喊嘅戲，但其實好多時候因為要遷就景嘅問題，而家拍咗呢個景先，咁我就唔駛再走多次景，呢度應該會慳番好多錢，變咗一個計數嘅人。我理解到其他崗位嘅人嘅難處，我覺得呢一樣嘢對我第時演戲都有幫助，同埋會顧慮埋人哋嘅感受多啲。」
