張振朗自爆拍足兩日 咀王浩信多咗男fans

張振朗、馮盈盈、蔣家旻、湯怡、賴慰玲等今日出席《反黑路人甲》宣傳活動。提到與王浩信在劇中車廂激吻戲，張振朗透露親嘴戲只拍了一次，但整場戲就拍足兩日。他說︰「拍嘅時候，完全忍唔到笑，要第二日返去補拍大頭。最開心係觀眾睇得好開心，佢哋好鍾意我哋呢個行為，唔知佢哋係咪有呢啲喜好。」

問這場吻戲有沒有為他開拓同性市場，張振朗直言，的確有許多男粉絲留言︰「見到有啲男性留言話想想試下咀我，真係嚇一跳，得啖笑！」他坦言相對跟女仔拍嘴戲，與浩信反而沒這麼大壓力。