李克勤新歌《格林童話》今日推出，他說第一次收到歌曲demo時，覺得有很多個「非常」，「非常動聽、詞寫得非常之好。而且呢首歌係非常非常之咁難唱、非常非常之水蛇春冇抖氣位、錄咗非常非常之多日，真係錄到頭都痕埋。」
《格林童話》的結局總是以快樂結尾，但新歌的內容似乎有點不一樣。克勤說︰「雖然首歌叫《格林童話》，但主要圍繞一個好似大人嘅童話故事咁去描寫，童話故事通常都係公主王子，跟住有個happy ending，但現實生活中係咪咁呢？往往同我哋細個時候睇嘅童話故事個結局有啲唔一樣。其實佢講的都係一啲現代人經常會發生的一啲愛情故事。」
