林夏薇、徐榮、高海寧及黃翠如等昨日到電視城出席新劇《七公主》拜神儀式。夏薇表示今次角色是她入行以來最激，因為要與徐榮演一場親熱戲，更會唔著衫演出，坦言仍未向老公備案，又指因為角色情緒起伏大，已提出與老公分房瞓，笑言造人計劃要押後。
林夏薇表示看到劇本之後已「嘩」一聲，除了周旋在徐榮和鄭子誠之間，還要與徐榮演激情戲。她說︰「劇本寫冇著衫，仲要喊住，除咗要顧及唔好走光，仲要兼顧情緒。」問到林峯是否快將做老竇，她說︰「都係江湖傳聞，係都等佢哋自己講。」
翠如的新造型予人惡形惡相的感覺。
翠如為了新角色需要剪短頭髮及染黑，她說︰「演律師，仲要係一個狠辣，鍾意贏嘅人。」她笑言老公蕭正楠對她的新造型不太習慣，認為予人感覺很惡。問到會否學林夏薇與老公分房瞓，她說︰「未諗喎，屋企得一張床，叫佢瞓梳化。」
高海寧需要紮胸演出，又透露在劇中被不少猛男包圍，勁好艷福。