劉浩龍讚Jeremy@Mirror拍戲有天份

hmvod於明日播出網劇《把砒霜留給自己》之新單元《修橋補路》，演員有劉浩龍(師兄)、MIRROR成員Jeremy及林子博等。今次師兄飾演一名老師，與學生Jeremy發生師生戀，兩人並捲入一連串的隧道殺人案，結局出人意表。

拍攝期間，師兄腰傷舊患發作，而且係拍動作場面，他需要忍痛完成，但亦慶幸多得導演劉翁的體諒。今次是師兄首次與Jeremy合作，他對Jeremy讚口不絕：「之前有見過佢做《全民造星》，但佢唔似第一次拍戲，佢喺隧道有場戲，啲驚恐嘅表情、內心嘅驚慌、流眼淚，我覺得佢表現非常之咁好。」師兄第一次拍師生戀亦係第一次做同志角色，其中一幕拍他和Jeremy在男廁hehe，他直言有點尷尬，但作為演員，roll了機就要去嘗試同投入，所以最後都順利拍攝。